باش بەت

گىلاس

1301يوللانما
4مەستانە

قوش قاپاق چىقىرىش ئوپېراتسىيەسى قىلدۇرۇشتا دىققەت قىلىدىغان ئىشلار

مەنبە:تەڭرىتاغ تورى يوللانغان ۋاقىت:2017-01-11 16:16 0 ئىنكاس چۈشتى

 قوش قاپاق چىقىرىش ئوپېراتسىيەسى قىلدۇرغاندىن كېيىن كۆزنىڭ شەكلى ئۆزگىرىپ، كۆز يوغان، نۇرلۇق كۆرۈنگەچكە بىر قىسىم خانىم–قىزلىرىمىزنى ئۆزىگە قىزىقتۇرماقتا. بىراق، ھەممىلا ئادەمنىڭ كۆزى قوش قاپاق چىقىرىش ئوپېراتسىيەسى قىلدۇرۇشقا لايىق كەلمەيدۇ. ئوپېراتسىيەنىڭ ئۈنۈمى ھەربىر ئادەمنىڭ كۆز ۋە يۈز قۇرۇلۇشىدىكى ئاساسىي شەرتكە بىۋاسىتە مۇناسىۋەتلىك. شۇڭا تۆۋەندىكى بىر قانچە خىل ئەھۋال ئاستىدا قوش قاپاق ئوپېراتسىيەسى قىلدۇرسا بولىدۇ.

    1. يۇقىرىقى قاپىقى ناھايىتى قېلىن كەلگەن قىز–ئاياللار ياكى غورا قاپاقلار؛

    2. كىرپىكى قىسقا، شالاڭ ۋە كىرپىكى ئىچى تەرەپكە ئۆسكەنلەر؛

    3. كۆز چانىقى كىچىكلەر؛

    4. ئۈستى قاپىقى كەڭرى ياكى بوشاپ كەتكەنلەر؛

    5. يالاڭ قاپاقلار. يالاڭ قاپاق كىشىلەرنىڭ كۆز چانىقى كىچىك بولغانلىقتىن، ساڭگىلاپ قالغان قاپاق كۆزىنىڭ قۇيرۇقىنى توسۇۋېلىپ كىرپىك كۆرۈنمەيدۇ. ئوپېراتسىيەدىن كېيىن ساڭگىلىغان ئارتۇق تېرىلەر چىقىرىۋېتىلگەنلىكتىن، كىرپىكلەر كۆرۈنۈپ، ئۈنۈمى ئالاھىدە ياخشى بولىدۇ.

    6. گازىر كۆز، كۆزى ئۇزۇن ئادەملەر.

    قانداق ئادەملەرگە قوش قاپاق قىلدۇرۇش ئوپېراتسىيەسى مۇۋاپىق كەلمەيدۇ؟

    1. يۈز قۇرۇلۇشى قىسقا، كەڭ ياكى يۈزىنىڭ ئۈستى تار، ئاستى كەڭ، كۆزى چوڭ، يۇمىلاق كەلگەنلەر؛

    2. ئېڭىكى تار ياكى ئېڭىكى تۆۋەنلەر؛

    3. كۆزى كىچىك، كۆز چانىقى تارلار؛

    4. كۆزى ئالىغاي ياكى يۇقىرىقى قاپىقى ھەددىدىن زىيادە ساڭگىلاپ كەتكەنلەر؛

    5. ئاسان تارتۇق قالىدىغانلار، قان سىستېمىسى كېسەللىكى، قان سىيىش كېسىلى، يۈرەك كېسىلى بارلار؛

    6. 18 ياشتىن تۆۋەن، 48 ياشتىن يۇقىرىلار؛

    7. زۇكام بولۇپ قىزىۋاتقان، يۆتىلىۋاتقان، ھەيز كېلىۋاتقانلار.

    ئوپېراتىسيە قىلدۇرۇشتىن ئۈچ كۈن بۇرۇن، كۆز دورىلىرىنى كۈندە ئۈچ قېتىم كۆزگە تېمىتىپ تۇرۇش كېرەك.

    ئوپېراتسىيەدىن كېيىن كۆزنى كۆپ ئاچماي دەم ئالدۇرۇش، يەللىك يېمەكلىكلەرنى ئىستېمال قىلماسلىق كېرەك. ئوپېراتسىيەدىن كېيىن كۆزنىڭ ئىششىشى نورمال ئەھۋال بولۇپ، ئىككى ھەپتە ئىچىدە ئىششىق تەدرىجىي يېنىپ كېتىدۇ، ئۈچ ئايدىن ئالتە ئايغىچە رەسمىي ساقىيىپ بولىدۇ.

    قوش قاپاق ئوپېراتسىيەسى يۇقىرى پەن–تېخنىكا تەلەپ قىلىدىغان تاشقى كېسەللىكلەر ئوپېراتسىيەسى بولۇپ، ئوپېراتسىيە سۈپىتىنىڭ يۇقىرى–تۆۋەنلىكى گۈزەللىك ئۈنۈمىگە زور تەسىر كۆرسىتىدۇ. شۇڭا، ئوپېراتسىيەدىن بۇرۇن ئوبدان ئويلىنىپ، ئەمەلىيەتتىن ئۆتكەن ئىشەنچلىك دوختۇرخانىلارغا بېرىپ ئوپېراتسىيە قىلدۇرۇش كېرەك. ئۇنداق قىلمىغاندا ياخشى ئىشتىن يامان ئاقىۋەت چىقىپ، ئۇخلىسا ئىككى كۆزى يۇمۇلمايدىغان، ئىككى كۆزى بىر–بىرىگە ئوخشىمايدىغان، كۆزنىڭ قېتى ھەددىدىن تاشقىرى چوڭ بولۇپ كېتىدىغان، ھەتتا ئالىغاي بولۇپ قالىدىغان ئەھۋاللار كېلىپ چىقىدۇ.


باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号